Ağrı kəndində şəhid Əliyev Seyfəddin Yaqub oğlunun xatirəsi anılıb

    Birinci Qarabağ müharibəsi zamanı ölkəmizin ərazi bütövlüyü və suverenliyinin bərpası uğrunda gedən döyüşlərdə qəhrəmancasına şəhidlik zirvəsinə ucalan Əliyev Seyfəddin Yaqub oğlunun anım günü ilə əlaqədar olaraq Ağrı kəndində məzarı ziyarət olunub. 04 mart 2025-ci il tarixdə keçirilən tədbirdə Ordubad Rayon İcra Hakimiyyəti başçısının müavini, İcra Hakimiyyətinin, Sosial Xidmətlər Agentliyinin, Səfərbərlik Xidmətinin, Polis şöbəsinin əməkdaşları, məktəb kollektivi və ictimaiyyət nümayəndələri iştirak ediblər. Tədbirdə çıxışlar dinlənilib, şəhidimizin ruhuna dualar oxunub.

       Çıxış edənlər şəhidimizin vətən uğrunda göstərdiyi şücaət və qəhrəmanlıq nümunələrindən bəhs edərək Əliyev Seyfəddin Yaqub oğlunun oğlunun keçdiyi şərəfli ömür yolundan danışıb, onun xatirəsinin xalqın qəlbində əbədi yaşayacağını bildiriblər. Tədbirdə, həmçinin gənc nəslə vətənpərvərlik ruhunun aşılanması, şəhidlərimizin əziz xatirəsinin daim hörmətlə yad edilməsi və onların qəhrəmanlıq nümunələrinin gələcək nəsillərə çatdırılmasının vacibliyi vurğulanıb.

     Tədbirin sonunda məktəblilər tərəfindən şəhidlərin xatirəsinə həsr olunan şeirlər səsləndirilib.