20 fevral 2025-ci il tarixdə Azadkənd kəndində şəhid Ələkbərov Qulam Novruz oğlunun anım günü münasibətilə məzarı ziyarət olunub, xatirəsi ehtiramla yad edilib. Bu münasibətlə keçirilən tədbirdə Ordubad Rayon İcra Hakimiyyəti başçısının ictimai-siyasi və humanitar məsələlər üzrə müavini, İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin, Dövlət Sərhəd Xidmətinin, Sosial Xidmətlər Agentliyinin, Polis şöbəsinin, müvafiq kənd üzrə fəaliyyət göstərən idarə, təşkilat və müəssisələrin əməkdaşları, orta məktəb kollektivi və ictimaiyyət nümayəndələri iştirak ediblər.
Tədbirdə şəhidin keçdiyi şərəfli döyüş yolu haqqında iştirakçılara məlumat verilib, ruhuna dualar oxunub. Çıxışlarda ölkəmizin ərazi bütövlüyü və müstəqilliyinin qorunması, suverenliyimizin bərpa olunması uğrunda canlarından keçən qəhrəman Azərbaycan övladlarının xatirəsinin daim ehtiramla yad edildiyi, həmçinin, ölkə başçısı cənab İlham Əliyevin tapşırığı əsasında bütün bölgələrdə şəhid ailələri və müharibə iştirakçılarına qarşı mütəmadi olaraq diqqət və qayğının göstərildiyi qeyd olunub.
Sonda məktəblilər tərəfindən şəhidlərin xatirəsinə həsr olunan şeirlər səsləndirilib.
