14 iyun 1995-ci il tarixdə ölkəmizin ərazi bütövlüyünün müdafiəsi uğrunda gedən döyüşlər zamanı Füzuli rayonunda şəhidlik zirvəsinə ucalan Əliyev Əli Ədib oğlunun doğum günü ilə əlaqədar Dəstə kəndində tədbir keçirilib. 3 mart 2025-ci il tarixdə keçirilən tədbirdə Ordubad Rayon İcra Hakimiyyəti başçısının ictimai-siyasi və humanitar məsələlər üzrə müavini, İcra Hakimiyyətinin, Polis şöbəsinin, Səfərbərlik Xidmətinin, Sosial Xidmətlər Agentliyinin, Dəstə kəndində fəaliyyət göstərən müəssisələrin əməkdaşları, Dəstə kənd tam orta məktəbinin kollektivi və ictimaiyyət nümayəndələri iştirak ediblər.
İlk olaraq Dəstə kənd qəbiristanlığında şəhidimizin məzarı ziyarət olunub. Tədbirdə şəhidimizin həyatı və döyüş yolu haqqında iştirakçılara məlumat verilib, çıxışlar dinlənilib, ruhuna dualar oxunub.
Çıxışlarda ölkəmizin ərazi bütövlüyünün, müstəqilliyinin qorunması, suverenliyimizin bərpa olunması uğrunda canlarından keçən qəhrəman Azərbaycan övladlarının xatirəsinin daim ehtiramla yad edildiyi, həmçinin, cənab Ali Baş Komandan, Prezident İlham Əliyevin tapşırığı əsasında bütün bölgələrdə şəhid ailələri və müharibə iştirakçılarına qarşı diqqət və qayğının nümayiş etdirildiyi qeyd olunub.
Tədbirin sonunda məktəblilər tərəfindən şəhidlərin xatirəsinə həsr olunan şeirlər səsləndirilib.
