Ordubad rayonunun Dəstə kəndində təsərrüfatçılar və sahibkarlar ilə maarifləndirici görüş keçirilib. Tədbir Ordubad Rayon İcra Hakimiyyəti və Naxçıvan Muxtar Respublikası Qida Təhlükəsizliyi Agentliyinin birgə təşkilatçılığı ilə baş tutub.
Ordubad Rayon İcra Hakimiyyətinin əməkdaşı Sabir Rzazadə tədbiri giriş sözü ilə açaraq mövzunun əhəmiyyətindən bəhs edib. Daha sonra Naxçıvan Muxtar Respublikası Qida Təhlükəsizliyi Agentliyinin əməkdaşları çıxış ediblər. Görüş ərzində təsərrüfatçılar və sahibkarlar "Muxtar respublika ərazisində becərilən bostan, tərəvəz, taxıl, meyvə və sitrus bitkilərini xəstəlik və zərərvericilərdən qorumaq üçün görülməli tədbirlər" və "Heyvan bazarlarında baytarlıq-sanitariya normaları və qaydaları" mövzularında marifləndirilib və iştirakçıları maraqlandıran suallar cavablandırılıb.
