44 günlük Vətən müharibəsi zamanı oktyabrın 2-də Cəbrayılın işğaldan azad edilməsi uğrunda gedən döyüşlərdə qəhrəmancasına şəhidlik zirvəsinə ucalan kapitan Nəcəfov Vüqar Aydın oğlunun xatirəsinə həsr olunmuş anım tədbiri keçirilib. Dırnıs kənd Şəhidlər Xiyabanında keçirilən tədbirdə Ordubad Rayon İcra Hakimiyyətinin, rayonun idarə, müəssisə və təşkilatlarının əməkdaşları, eləcə də, məktəb kollektivləri və ictimaiyyət nümayəndələri iştirak ediblər. Şəhidimizin xatirəsi yad edilib, ruhuna dualar oxunub, çıxışlar dinlənilib. Azərbaycan Respublikasının ərazi bütövlüyünün müdafiəsi, suverenliyimizin tam bərpa olunması uğrunda canlarından keçən qəhrəman şəhidlərimizin xatirəsinin daim ehtiramla yad edildiyi vurğulanıb, şəhidlərimizin keçdikləri şərəfli döyüş yollarından və dövlətimiz tərəfindən şəhid ailələrinə göstərilən yüksək diqqət və qayğıdan bəhs olunub
Məktəblilər tərəfindən şəhidimizin əziz xatirəsinə həsr olunmuş şeirlər səsləndirilib.
