Azərbaycan Respublikasının Baş naziri Əli Əsədov “Ordubad” Dövlət Tarix-Mədəniyyət Qoruğunun Əsasnaməsinin təsdiq edilməsi haqqında qərar imzalayıb.
Qeyd olunub ki, qoruq tarix və mədəniyyət üçün xüsusi əhəmiyyət kəsb edən, Ordubadın Şərq memarlıq ənənələrini özündə yaşadan, zəngin milli ornamenti, özünəməxsus memarlıq üslubu ilə seçilən abidələrinin, arxeoloji obyektlərinin və etnoqrafik materiallarının kompleks şəkildə cəmləşdiyi və dövlət tərəfindən mühafizə edilən ərazidir. Qoruq Naxçıvan Muxtar Respublikasının müvafiq qurumununun tabeliyində fəaliyyət göstərir.
Həmçinin Qoruq Naxçıvan Muxtar Respublikasının büdcəsindən maliyyələşən təşkilatdır, xəzinə hesabına, nazirliyin və öz adının həkk olunduğu möhürə, müvafiq ştamplara və blanklara malikdir və öz emblemi ola bilər.
Xatırladaq ki, “Ordubad” Dövlət Tarix-Mədəniyyət Qoruğu Azərbaycan Prezidentinin 2024-cü il 21 fevral tarixli 15 nömrəli Sərəncamı ilə yaradılıb.
