Ordubad Rayon İcra Hakimiyyətinin təşkilatçılığı ilə 31 Dekabr – Dünya Azərbaycanlılarının Həmrəyliyi Günü və Yeni İl münasibətilə Ordubad rayon Mədəniyyət Sarayında bayram tədbiri keçirilib. Tədbirdə Mədəniyyət Sarayının solistlərinin ifasında əlamətdar günlərə həsr olunmuş musiqi nömrələri səsləndirilib.
Həmçinin əlamətdar günlərlə bağlı Ordubad Rayon İcra Hakimiyyətinin başçısı Rəcəb Rəhimli və icra hakimiyyətinin əməkdaşları tərəfindən Ordubad Şəhər İnternat tam orta məktəbində təhsil alan uşaqlarla görüş keçirilib, uşaqlara hədiyyələr təqdim olunub.
Tədbirlərin davamı olaraq Karvan ailəvi istirahət mərkəzində 2024-2025-ci tədris ilində təhsil, idman, mədəniyyət və s. sahələrdə fərqlənən istedadlı uşaqlar üçün bayram şənliyi təşkil olunub.
