19 mart 2025-ci il tarixində mübarək Ramazan ayı münasibətilə Ordubad Rayon İcra Hakimiyyəti tərəfindən iftar süfrəsi təşkil edilib.
Tədbirdə Ordubad Rayon İcra Hakimiyyətinin başçısı Rəcəb Rəhimli, rayonun hüquq-mühafizə orqanlarının, idarə, təşkilat və müəssisələrin rəhbərləri, şəhid ailələrinin üzvləri, müharibə veteranları, qazilər, rayon ziyalıları, aztəminatlı şəxslər, eləcə də dini icmanın nümayəndələri və ictimaiyyət təmsilçiləri iştirak ediblər.
Mərasimdə Qurani-Kərimdən ayələr oxunub, müqəddəs Ramazan ayının fəzilətləri barədə danışılıb, bu ayın mənəvi saflığı və insanların həmrəyliyini təşviq etdiyi vurğulanıb.
