23 dekabr 2024-cü il tarixdə Ordubad Rayon İcra Hakimiyyəti və Naxçıvan Muxtar Respublikası Qida Təhlükəsizliyi Agentliyinin birgə təşkilatçılığı ilə Ordubad şəhərində sahibkarlar və təsərrüfatçılarla “Heyvan və quş kəsimi məntəqələrinə dair baytarlıq-sanitariya normaları və qaydaları” və “Müasir (stasionar, modul və mobil tipli) heyvan kəsimi məntəqələrinin yaradılması” mövzularında maarifləndirmə tədbiri keçirilib. Tədbiri giriş sözü Ordubad Rayon İcra Hakimiyyətinin əməkdaşı Zamiq Babayev açıb. Daha sonra mövzu ilə əlaqədar digər çıxışlar dinlənilib, tədbirin əhəmiyyətindən bəhs olunub.
Sonda sahibkarları və təsərrüfatçıları maraqlandıran suallar cavablandırılıb, iştirakçılara mövzu ilə bağlı maarifləndirici bukletlər təqdim edilib.
