Ordubad Rayon İcra Hakimiyyəti və Mədəniyyət idarəsinin birgə təşkilatçılığı ilə Mədəniyyət Sarayında "8 Mart – Beynəlxalq Qadınlar Günü" münasibətilə konsert proqramı təqdim edilib.
Konsertin əvvəlində ölkəmizdə qadınların cəmiyyətin həyatında mühim rol oynadığı vurğulanıb, qadınlara göstərilən diqqət və qayğının dövlət siyasətinin əsas prioritetlərindən biri olduğu qeyd edilib. Bildirilib ki, muxtar respublikada qadınların ictimai fəallığının artırılması və onların müxtəlif sahələrdə uğurlar qazanması üçün geniş imkanlar yaradılıb.
Tədbirdə Naxçıvan Dövlət Filarmoniyasının Estrada Orkestri maraqlı ifaları ilə tamaşaçılar qarşısında çıxış edib. Konsertin bədii rəhbəri və dirijoru Prezident mükafatçısı Elvin Əliyarov olub. Orkestr tərəfindən müxtəlif janrlarda musiqi nömrələri təqdim edilib, solo ifalar tamaşaçılar tərəfindən böyük maraqla qarşılanıb.
