Ordubad rayonunun Dəstə kəndində birinci Qarabağ müharibəsi şəhidi Nəbiyev Qurban Cavad oğlunun doğum günü ilə əlaqədar anım tədbiri keçirilib. Tədbirdə Ordubad rayon İcra Hakimiyyəti başçısının müavini, İcra Hakimiyyətininin, Sosial Xidmətlər Agentliyinin, Polis şöbəsinin, Səfərbərlik xidmətinin, müvafiq kənd ərazisində fəaliyyət göstərən idarə, müəssisə və təşkilatların əməkdaşları, şəhidin yaxınları və kənd ictimaiyyəti iştirak edib.
Əvvəlcə şəhidin məzarı ziyarət olunub, üzərinə gül dəstələri düzülüb və ruhuna dualar oxunub. Daha sonra tədbirdə çıxış edənlər Qurban Nəbiyevin Vətən uğrunda göstərdiyi igidlik və fədakarlıqdan bəhs ediblər. Onun vətənpərvərliyi, döyüş yolu və göstərdiyi şücaət haqqında danışaraq, şəhidlərin daim xalqın qəlbində yaşayacağını vurğulayıblar.
Tədbirin sonunda məktəblilər tərəfindən vətənpərvərlik ruhunda şeirlər səsləndirilib.
