Ordubad rayonunun Dırnıs kəndində Birinci Qarabağ müharibəsi zamanı vətən uğrunda şəhid olmuş Xudayarov Elnur Rza oğlunun doğum günü qeyd olunub. Tədbir şəhidin məzarının yerləşdiyi kənd Şəhidlər Xiyabanında təşkil olunub və iştirakçılar onun əziz xatirəsini yad ediblər.
Mərasimdə Ordubad Rayon İcra Hakimiyyəti başçısının ictimai-siyasi və humanitar məsələlər üzrə müavini, İcra Hakimiyyətinin, Sosial Xidmətlər Agentliyinin, Polis şöbəsinin əməkdaşları, müvafiq kənd üzrə fəaliyyət göstərən idarə, təşkilat və müəssisələrin əməkdaşları, orta məktəb kollektivi və ictimaiyyət nümayəndələri iştirak ediblər.
Çıxış edənlər Elnur Xudayarovun Vətən qarşısında göstərdiyi şücaətdən danışıb, onun adının daim qürurla xatırlanacağını bildiriblər. Tədbir zamanı məktəblilər tərəfindən şəhidlərin xatirəsinə həsr olunan şeirlər səsləndirilib. Sonda şəhidlərin ruhuna dualar oxunub.
