20 dekabr 2024-cü il tarixdə şəhid İsmayılov Kazım Məzahir oğlunun xatirəsi ehtiramla yad edilib, anım günü ilə əlaqədar məzarı ziyarət olunub. Tədbirdə Ordubad Rayon İcra Hakimiyyəti başçısının ictimai-siyasi və humanitar məsələlər üzrə müavini, İcra Hakimiyyətinin, Sosial Xidmətlər Agentliyinin, Polis şöbəsinin, Üstüpü kəndində fəaliyyət göstərən idarə, təşkilat və müəssisələrin əməkdaşları, Üstüpü kənd tam orta məktəbinin kollektivi və ictimaiyyət nümayəndələri iştirak ediblər
Tədbirdə şəhidimizin şərəfli döyüş yolu haqqında iştirakçılara məlumat verilib, ruhuna dualar oxunub. Çıxışlarda ölkəmizin ərazi bütövlüyü və müstəqilliyinin qorunması, suverenliyimizin bərpa olunması uğrunda canlarından keçən qəhrəman Azərbaycan övladlarının xatirəsinin daim ehtiramla yad edildiyi, həmçinin, ölkə başçısı cənab İlham Əliyevin tapşırığı əsasında bütün bölgələrdə şəhid ailələri və müharibə iştirakçılarına qarşı mütəmadi olaraq diqqət və qayğının göstərildiyi qeyd olunub.
Tədbirin sonunda məktəblilər tərəfindən şəhidlərin xatirəsinə həsr olunan şeirlər səsləndirilib.
