Birinci Qarabağ müharibəsi zamanı Ağdam rayonunun Qərvənd kəndi ərazisində gedən döyüşlərdə qəhrəmancasına şəhid olan Rzayev Etibar Qürbət oğlunun və Şərur rayonunun Cağazir(Şahbulaq) kəndi yaxınlığında hərbi xidməti vəzifələrini yerinə yetirən zaman şəhidlik zirvəsinə yüksələn Sadiqov Ramil Zakir oğlunun mövludu günü ilə əlaqədar Ordubad rayonunun Kələntər Dizə və Xanağa kəndlərində anım tədbirləri keçirilib. Tədbirdə Ordubad Rayon İcra Hakimiyyətinin, Sosial Xidmətlər Agentliyinin, Polis şöbəsinin, Səfərbərlik Xidmətinin əməkdaşları, eləcə də, məktəb kollektivləri və ictimaiyyət nümayəndələri iştirak ediblər.
Tədbirlərdə şəhidlərimizin məzarları ziyarət olunub, ruhlarına dualar oxunub. iştirakçılar onların əziz xatirələrini yad ediblər. Məktəblilər tərəfindən şəhidlərimizin xatirəsinə həsr olunmuş şeirlər səsləndirilib.
