26 sentyabr 2026-cı il tarixində Ordubad Rayon İcra Hakimiyyətinin təşkilatçılığı ilə 27 Sentyabr – Anım Gününə həsr olunmuş ağacəkmə aksiyası təşkil olunub. Aksiyada Ordubad Rayon İcra Hakimiyyətinin başçısı Nurlan Hacıyev, aparatın əməkdaşları, rayonun idarə, müəssisə, təşkilatlarının, şəhər, qəsəbə və kənd icra nümayəndəliklərinin rəhbərləri və əməkdaşları iştirak ediblər.
Aksiyanın keçirilməsində əsas məqsəd 27 Sentyabr – Anım Gününü ehtiramla yad etmək, torpaqlarımızın ərazi bütövlüyü, suverenliyi uğrunda canlarını fəda etmiş qəhrəmanlarımızın xatirəsini əbədiləşdirmək olub. Aksiya çərçivəsində iştirakçılar tərəfindən Naxçıvan - Ordubad magistral yolunun Əylis kəndi ərazisində və Ordubad rayonun digər ərazilərində 320 ədəd meyvə tingi, 190 ədəd həmişəyaşıl ağac əkilmiş, əkilən ağaclara aqrotexniki qulluq göstərilmiş, ətraf ərazilər abadlaşdırılmışdır.
